A Axenda enerxética de Galicia 2030 é a folla de ruta da Xunta en materia de enerxía para a presente década. Atrasa a neutralidade climática de 2040 a 2050 e non procura unha redución das emisións de gases de invernadoiro dun 65% en 2030, con respecto a 1990. Prevé unha diminución suave do consumo enerxético e un crecemento moderado das enerxías renovábeis.
Arquivos de autor:ogacli
Aumentan as emisións de gases de invernadoiro da produción eléctrica galega
A xeración eléctrica renovábel baixou o 19% en 2022 con respecto ao ano anterior, mentres a fósil medrou o 26%. Como consecuencia, medraron notabelmente as emisións de gases causantes de cambio climático asociadas á produción de electricidade en Galicia, atinxindo uns 3,5 millóns de toneladas.
A refinaría da Coruña emite dúas veces máis gases de invernadoiro do recoñecido oficialmente?
Segundo Climate Trace, a refinaría de Repsol na Coruña emitiu 1,46 millóns de toneladas de gases de invernadoiro durante 2021. Esta cifra practicamente duplica o dato oficial. Sobrevalora Climate Trace o impacto climático da refinaría coruñesa ou infravalórao a contabilidade oficial? Ou acontecen ambas as dúas cousas á vez?.
A transición eléctrica retrocede en Galicia durante 2022
2022 está a ser un ano de retroceso na transición cara a un sistema eléctrico 100% renovábel en Galicia. A produción renovábel diminuíu un 35% nos nove primeiros meses deste ano en relación ao mesmo período de 2021, debido á seca e ao estancamento da potencia renovábel. Pola contra, a fósil medrou un 25%.
Piden á Xunta que deixe de co-organizar o premio literario de Repsol
As organizacións ecoloxistas Amigas da Terra, Ecoloxistas en Acción e Greenpeace, xunto co Observatorio Galego da Acción Climática, denuncian nun manifesto a operación de “lavado verde” que supón o Premio de Narrativa Breve en lingua galega convocado por Repsol.
O Premio Narrativa Breve de Repsol é un exemplo claro de “greenwashing”
Nun verán marcado polas consecuencias da crise climática, a petroleira Repsol, unha das súas maiores responsábeis, organizou, por décimo sexto ano, o Premio de Narrativa breve en lingua galega. Presentado en xuño, o fallo do xurado anunciouse para este mes de setembro.
As emisións galegas de GEI reducíronse o 35,9% entre 1990 e 2020
As emisións de gases de invernadoiro (GEI) de Galicia descenderon o 35,9% en 1990-2020. Foi debido sobre todo á desfosilización parcial do sector enerxético, que baixou as súas emisións en 11,5 millóns de toneladas (-78%).
A estratexia climática de Repsol non cumpre o Acordo de París
Repsol continúa a explorar novos xacementos e a impulsar novos proxectos de extracción. Prevé (non persegue) que a súa produción media de hidrocarburos durante esta década sexa só un 15% inferior á de 2019. E, por suposto, non fixou un ano, nin trazou un plan, para abandonar totalmente o petróleo e o gas.
Alcoa, a central de gas das Pontes e a refinaría foron os maiores emisores en 2021
O complexo industrial de alúmina-aluminio de Alcoa na Mariña luguesa, a central de ciclo combinado a gas fósil de Endesa nas Pontes (veciña da de carbón) e a refinaría de Repsol na Coruña encabezan a listaxe dos maiores emisores de Gases de Efecto Invernadoiro (GEI) en territorio galego durante 2021.
Por unha Lei do Clima de Galicia ambiciosa
A Dirección Xeral de Calidade Ambiental, Sostibilidade e Cambio Climático da Consellería de Medio Ambiente, Territorio e Vivenda someteu en marzo de 2022 a unha consulta pública previa a Lei do Clima de Galicia. O Observatorio Galego de Acción Climática (OGACLI) presentou achegas para que a futura lei sexa realmente ambiciosa, propoñendo que incorpore osSeguir lendo “Por unha Lei do Clima de Galicia ambiciosa”
OGACLI 