Cara a neutralidade climática
¿Galicia está a reducir as súas emisións de gases causantes de cambio climático ao ritmo necesario?. A que distancia estamos de atinxir un sistema enerxético 100% renovábel?. Ofrecémosche os datos máis relevantes. E tamén contámoscho en poucas palabras.
Indicadores destacados
Emisións brutas de GEI
-42,2% con respecto a 1990 (2024)
Obxectivo 2030: -50%
Consumo enerxético
5 millóns de tep (2024)
Obxectivo 2030: 4,8 millóns de tep
Enerxías renovábeis
48% do consumo de enerxía final (2024)
Obxectivo 2030: 58%
Electrificación da economía
22 % do consumo de enerxía final (2024)
Obxectivo 2030: 35%
Noticias
- As emisións de gases de invernadoiro baixaron o 5,4% en 2024O fin da xeración eléctrica con carbón e un ano record de produción hidroeléctrica fixeron que as emisións galegas de GEI baixasen o 5,4% en 2024, ano máis recente con datos oficiais. O estancamento da transición enerxética ameaza futuras reducións.
- Un proxecto para a planificación municipal da mitigación climáticaARCA (Aproximación de Responsabilidades Climáticas Apropiadas) é un proxecto de investigación que ofrece aos concellos ferramentas para determinaren o seu compromiso climático. O proxecto estimou a pegada de carbono de cada concello. A de toda Galicia ascende a uns 28 millóns de toneladas (2024).
- Galicia afianza a súa enorme dependencia do petróleo e o gas fósilO máis recente Balance enerxético de Galicia, correspondente ao ano 2024, confirma que o desenvolvemento renovábel está practicamente estancado e que a electrificación recúa. De non ser polo fin da produción eléctrica con carbón, o noso país apenas tería avanzado nos últimos anos na urxente substitución dos combustíbeis fósiles.
O Observatorio Galego da Acción Climática (OGACLI) é un observatorio cidadá crítico e independente para divulgar información sobre a transición enerxética e a acción climática.
OGACLI 